PepsiCo-ն ամերիկյան շուկա է դուրս բերում նոր ապրանք` Pepsi Next-ը: Ընկերությունում վստահեցնում են, որ նոր գազավորված ըմպելիքը կունենա այն համը, ինչ սովորական Pepsi-ն, սակայն կունենա կրկնակի պակաս կալորիաներ (60-ը՝ 0,33լ-ում):
Ընդ որում` նոր ըմպելիքը չի ունենա քիմիական վառ երանգավորում, ինչը բնորոշ է դիետիկ Pepsi light-ին (ԱՄՆ-ի շուկայում Diet Pepsi):
Սա արդեն PepsiCo-ի երրորդ փորձն է կոլայի շուկա դուրս բերել նվազեցված կալորիայով ըմպելիք:
1990-ականների կեսերին ընկերությունը ներկայացրեց Pepsi XL-ը, իսկ 2004-ին` Pepsi Edge-ը:
Երկու ըմպելիքներն էլ շուկայում աչքի ընկան շատ ցածր պահանջարկով ու արտադրությունից դուրս բերվեցին դրանց շնորհանդեսից մի քանի տարի անց:
Ընկերությունում վստահ են, որ Pepsi Next-ը չի կրկնի մյուսների պատմությունը, քանի որ նոր կոլայի ստեղծման համար օգտագործվել է նոր ֆորմուլա:
Այն ստեղծվել է «համային ներբերանգների» մանրակրկիտ հետազոտությունների արդյունքում, որոնք զգում է ըմպելիքը խմող մարդը:
PepsiCo-ն մեծ հույսեր է կապում այս նոր ըմպելիքի հետ` հույս ունենալով, որ այն կօգնի օգնել վերադարձնել մրցակիցների հետ պայքարի հետևանքով շուկայում կորցրած դիրքերը։
Մարկետոլոգների կարծիքով` 2010 թ. Pepsi-ն գազավորված ըմպելիքների շուկայում զբաղեցրել է 9.5 տոկոսը` 4.1 տոկոս ավելի պակաս, քան մեկ տասնամյակ առաջ: Սա այն դեպքում, երբ ընկերության մրցակից Coca-Cola-ն շուկայում իր մասնաբաժինն ավելացրել է մինչև 17 տոկոսով:
Այովա ու Վիսկոնսին նահանգներում Pepsi Next-ը հաջողությամբ ընդունվել է: Ինչպես վստահեցրել են PepsiCo-ում՝ արդեն մարտին նոր ըմպելիքը կհայտնվի երկրի բոլոր խանութների վաճառասեղաններին:
