Չորեքշաբթի Նյու Յորքում տեղի ունեցած աճուրդում կոմիքսների բացառիկ հավաքածուն վաճառվել է 3.5 մլն դոլարով: Այս մասին հաղորդում է The Huffibngton Post-ը՝ վկայակոչելով աճուրդի կազմակերպիչ տեխասյան Heritage Auctions ընկերությանը:
Բիլի Ռայթի հավաքածուում հաշվվում է 345 կոմիքս, որոցն վիճակը փորձագետները գնահատում էին «լավ»: Դրանց մեջ է Detective Comics հավաքածուի հազգագյուտ 27-րդ թողարկումը, որի մեջ է առաջին անգամ երևացել է Բեթմենը: Այդ կոմիքսը, որը թվագրվում է 1939 թ., վաճառվել է 523 հազար դոլարով՝ դառնալով ամենաթանկ նմուշը:
Հատուկ ուշադրության է արժանի հավաքածուում ներկայաված Action Comics-ի դեբյուտային թողարկումը, որը վաճառվել է 299 հազար դոլարով: Այս հավաքածուն իրավամբ համարվում է բոլոր ժամանակակից կոմիքսների նախահայրը, քանի որ դրանում ընթերցողներին առաջին անգամ ներկայացվել է Սուպերմենը՝ ամենահայտնի սուպերհերոսը:
Heritage Auctions-ից հայտնել են, որ Բիլի Ռայթն այդ հսկայական հավաքածուն հավաքել է ամբողջ կյանքի ընթացքում: Նրա մահից հետո 1994 թ. կոմիքսները պահվել են տան նկուղում՝ տուփի մեջ, մինչև որ այն հայտնաբերել են նրա թոռները: Աճուրդի տան ղեկավար Դոն Ալենն ասել է, որ բոլոր գրքերը գտնվում են լավ վիճակում: «Սա այն հավաքածուներից է, որի գոյության վերաբերյալ փորձագետներն անգամ չեն մտածում: Եվ հենց դրանում է նրա արժեքը»:
