Ռուսական ВЗГЛЯД թերթի փոխանցմամբ՝ Աբխազիայի նախագահ Ալեքսանդր Անկվաբը պատրաստ է եղել իր դեմ մահափորձին, ինչի համար էլ մահափորձի նախօրեին ուժեղացրել է իր թիկնազորը: Այս մասին թերթին հայտնել է Աբխազիայի անվտանգության խորհրդի քարտուղար Ստանիսլավ Լակոբան:
Աբխազական ընդդիմությունը չի բացառում, որ Անկվաբի դեմ մահափորձը կարող են կազմակերպած լինել հենց նրա ստորադասները՝ կոռումպացված չինովնիկները: Իսկ հարևան Վրաստանը տեղի ունեցածի մեջ մեղադրել է Ռուսաստանին:
Անկվաբի շրջապատը խոստովանել է, որ իրենք նախազգուշացումներ են ստացել պատրաստվող հարձակման մասին, ինչի համար էլ ուժեղացվել էր նրա թիկնազորը: Լակոբայի խոսքերով՝ այս ամենի հետևում կանգնած է բիզնես-կրիմինալը:
