Համաձայն ազգային վիճակագրական ծառայության անցկացրած հարցումների` ՀՀ բնակչության սպառողական ծախսերի մոտ կեսը կազմում են սննդի վրա կատարված ծախսերը` 51.1%: Սննդի համար կատարված ծախսերի մասնաբաժինը շարունակում է ավելի մեծ լինել գյուղական բնակավայրերի տնային տնտեսությունների ընդհանուր սպառողական ծախսերի կազմում` 56.2%։ Իսկ
ոչ պարենային ապրանքների և ծառայությունների համար կատարված ծախսերի
մասնաբաժինը, հատկապես կապի համար վճարվող գումարների տոկոսը, այլ կոմունալ ծառայությունների համեմատ բարձրացել է: Քաղաքային և գյուղական բնակչության ոչ պարենային ապրանքների ձեռքբերման վրա կատարված ծախսերի մասնաբաժինը համապատասխանաբար հասնում է 15.1 և 16.5%-ի։ Բնակ-կոմունալ ծախսերի մասնաբաժինն ընդհանուր ծախսերի կազմում քաղաքային բնակչության շրջանում ավելի է, քան գյուղաբնակ տնային տնտեսությունների շրջանում։