ԱՄՆ նախագահ Բարաք Օբամայի վարչակազմը պատրաստ է մեծացնել Եմենին
ուղղված օգնությունը, եթե երկրի նոր կառավարությունը կարողանա արագորեն
վերակառուցել ռազմական ուժերը, վերջ դնել
պաշտոնյաների կաշառվածությանն ու ընտրական բարեփոխումներ
իրականացնի: Այս մասին երկուշաբթի օրը հաղորդել է ԱՄՆ բարձրաստիճան պաշտոնյան:
The Washington Post-ը հաղորդում է, որ Եմենի և ընդդիմության հետ ունեցած
բանակցություններում Օբամայի վարչակազմը հստակորեն նշել է, որ
օգնությունը կավելացվի, եթե երկիրը կարողանա կատարել բոլոր անհրաժեշտ
պայմանները:
Նախագահ Օբամայի ահաբեկչության հարցերով բարձրաստիճան խորհրդական
Ջոն Բրանանը Սաուդյան Արաբիայից հեռախոսազանգով հայտնել է, որ Եմենում այսօր կայանալիք
նախագահական ընտրությունները շատ կարևոր են, բայց դա ընդամենը մեկ քայլ է. «Եմենի բնակչությունը պետք է գիտակցի, որ դեռ շատ աշխատանք կա կատարելու»:
