Մեքսիկայի իշխանություններն ի վերջո ամերիկյան ընկերություններին թույլ տվեցին զբաղվել նավթային ռեսուրսների շահագործմամբ: Այս մասին համաձայնագիր է ստորագրվել ԱՄՆ պետքարտուղար Հիլարի Քլինթոնի և Մեքսիկայի արտգործնախարար Պատրիսիա Էսպինոսայի միջև: Այս մասին հաղորդում է Associated Press գործակալությունը:
Այսպիսով հանվել է Մեքսիկական ծոցում նավթարդյունաբերություն իրականացնելու արգելքը: Մեքսիկայի նախագահ Ֆելիպե Կալդերոնը նշել է, որ այս համաձայնագիրը թույլ կտա մի կողմ նետել մեքսիկացիների մեծամասնության այն վախերը, համաձայն որոնց՝ նրանց բնական ռեսուրսները կարող են շահագործվել օտարների կողմից: Նա ասել է, որ նավթարդյունաբերությունը երկրում կիրականացվի համատեղ: