Գիտնականները Մարսի մակերևույթին հայտնաբերել են համեմատաբար վերջերս տեղի ունեցած երկրաշարժի հետքեր: Այս մասին ասվում է հոդվածում, որը կհրապարակվի Journal of Geophysical Research-Planets-ում:
HiRISE (High Resolution Imaging Science Experiment) բարձր որակ ունեցող տեսախցիկների օգնությամբ լոնդոնյան համալսարանից Ջերալդ Ռոբերտսը հետազոտել է 2-20 մետր մեծության գլաքարերը: Այդ գլաքարերից մի քանիսը պոկվել են ժայռերից՝ հողի մեջ թողնելով բավական նշանակալից հետքեր: Այդ հետքերի հետազոտությունն, ինչպես նաև տեղաշարժման բնույթը, ինչը դրանց անկման պատճառն է դարձել, ցույց է տվել, որ դրանք ընկել են սեյսմիկ ակտիվության, այլ ոչ թե այլ` օրինակ սառույցի հալոցքի պատճառով:
Քանի որ գլաքարերի տեղաշարժման տարածքը մոտ 200 կմ երկարություն ունի, ապա գիտնականները ենթադրում են, որ երկրաշարժի ուժգնությունը կազմել է մոտ 7 մագնիտուդ:
Գլաքարերի թողած հետքերը վկայում են այն մասին, որ «Մարսի ցնցումը» տեղի է ունեցել համեմատաբար վերջերս, քանի որ քամին արագ կվերացներ հետքերը: Քամու ուժգնությունը Մարսի վրա բավական բարձր է: Ամերիկյան մարսագնացների հետքերը մի քանի տարվա ընթացքում ծածկվել էին փոշով:
«Հնարավոր է՝ նման հզոր երկրաշարժեր հիմա էլ են տեղի ունենում Մարսի վրա»,– հաղորդում է newsru.com-ը:
