2010 թ. հունվար-նոյեմբերին առևտրի շրջանառությունը, ընթացիկ գներով կազմել է մոտ 1 տրլն 509 մլրդ դրամ, որը 2009 թ. համապատասխան ժամանակահատվածի նույն ցուցանիշի համեմատ համադրելի գներով աճել է 4.1%-ով: Այս մասին ասվում է Ազգային վիճակագրական ծառայության վերջերս հրապարակած «ՀՀ սոցիալ-տնտեսական վիճակը 2010 թ. հունվար-նոյեմբերին» զեկույցում: Ընդ որում, 2010 թ. հունվար-նոյեմբերին առևտրի մեծ մասը` 64.1%-ը, բաժին է ընկել մանրածախ առևտրին: Առևտրի 32.2%-ը եղել է մեծածախ առևտուրը, իսկ 3.7%-ը՝ ավտոմեքենաների առևտուրը: