Մոսկվայի կենտրոնում գտնվող բնակելի շենքի նկուղում տեղի ունեցած պայթյունի հետևանքով տարհանվել է 30 մարդ: Այս մասին ИТАР-ТАСС գործակալությանը հայտնել է մայրաքաղաքի իրավապահ մարմինների աղբյուրը:
«Այսօր երեկոյան Յուլիուս Ֆուչիկի փողոցում, հին բնակելի շենքի նկուղում տեղի է ունեցել պայթյուն, որից հետո թանձր ծուխ է տարածվել»,- ասել է զրուցակիցը:
Պայթյունի պատճառները դեռ պարզ չեն: «Իրավիճակը հստակեցվում է: Նախնական տվյալներով՝ տուժածներ և փլուզումներ չկան»,- հայտնել են իրավապահ մարմինները:
Դեպքի վայրում այժմ աշխատում են հրշեջները և ոստիկանության աշխատակիցները:
