Ինչպես ավելի վաղ տեղեկացրել էր ոստիկանությունը, փետրվարի 15-ին` ժամը 23.35-ին, ոստիկանության Արտաշատի բաժնում ահազանգ էր ստացվել, որ Գետազատ գյուղում վիճաբանություն է տեղի ունենում:
Դեպքի վայր մեկնած օպերատիվ խումբը պարզել էր, որ նույն օրը` ժամը 22.30-ի սահմաններում, Կյաժ մականունով ոմն Վահրամ, Չախկալ մականունով ոմն Կարեն, Ծերուն, Սարո, Տիգրան և Արամ շուրջ 20 րոպե վիճաբանել ու հայհոյել էին՝ ծեծելով համագյուղացիներ, 1986թ. ծնված Սամվել Հ-ին, 1980թ. ծնված Վաչագան Հ-ին, 1980թ. ծնված Արտյոմ Ա-ին և 1978թ. ծնված Դավիթ Ե-ին:
Միջադեպի ընթացքում Ծերունը իր անվամբ հաշվառված «Վալտեր» գազային ատրճանակից մեկ անգամ կրակել էր օդ:
Ձեռնարկված օպերատիվ-հետախուզական միջոցառումներով պարզվել է, որ Կյաժ մականունով ոմն Վահրամը 1985թ. ծնված Վահրամ Ա-ն է, Չախկալ մականունով ոմն Կարենը` 1979թ. ծնված Կարեն Ա-ն, Ծերունը` 1986թ. ծնված Ծերուն Ս-ն, Սարոն` 1981թ. ծնված Սարիբեկ Հ-ն, Տիգրանը` 1990թ. ծնված Տիգրան Ս-ն, Արամը` 1992 . ծնված Արամ Ա-ն:
Փետրվարի 16-ին` ժամը 12.00-ին, Տիգրան Ս-ն բերման է ենթարկվել բաժին և ներկայացվել ոստիկանության Արարատի մարզային քննչական բաժին:
Փետրվարի 17-ին` ժամը 23.00-ին, ոստիկանության Արտաշատի բաժին է ներկայացել նաև Վահրամ Ա-ն:
Ինչպես «Առաջին լրատվական»-ին հայտնում են ոստիկանությունից, քննությունը շարունակվում է:
