France Presse գործակալության փոխանցմամբ` Վենեսուելայի նախագահ Ուգո Չավեսը համոզմունք է հայտնել, որ իր երկրին սպասում են բռնությունների աճ և քաղաքացիական պատերազմ, եթե առաջիկա նախագահական ընտրություններում հաղթի ընդդիմության ներկայացուցիչը:
Հանրահավաքում արտասանած ելույթի ժամանակ Չավեսն ասել է. «Բուրժուազիայի իշխանությունը կարող է տալ միայն մեկ երաշխիք` պատերազմի, բռնությունների և երկրում հուզումների երաշխիք»: Միևնույն ժամանակ Չավեսը խոստացել է թույլ չտալ նման զարգացում: Չավեսը հավաստիացրել է, որ Վենեսուելայում իր հաղթանակը թույլ կտա երկրին վստահորեն գնալ տնտեսության զարգացման, ժողովրդավարության և կենսամակարդակի բարձրացման ուղիով:
Հիշեցնենք, որ Վենեսուելայում նախագահական ընտրությունները նախանշված են 2012թ.-ի հոկտեմբերի 7-ին: Այդ օրը Չավեսի հիմնական մրցակիցը կլինի Էնրիկե Կապրիլյասը, որի հրեական ծագումը տեղի պետական լրատվամիջոցները ներկայացնում են որպես «ջհուդամասոնական դավադրության» սպառնալիք:
