Բրիտանիան և Ֆրանսիան պատրաստվում են միացյալ վարժություններ իրականացնել` ստուգելու համար 2012 թվականի օլիմպիական խաղերի ժամանակ հնարավոր ահաբեկչական հարձակմանը հակահարված տալու իրենց կարողությունը:
Բրիտանա-ֆրանսիական միացյալ պաշտպանության այսօր հրապարակված հայտարարության մեջ ասվում է, որ երկու երկրներն էլ աշխատում են վարժանքների վրա, որոնք տեղի են ունենալու մարտին: Հստակ չէ, թե դրանք որտեղ են տեղի ունենալու:
Ֆրանսիական լրատվամիջոցները հաղորդել են, որ Մարոկկոն, Սենեգալը, Հունգարիան և Ուզբեկստանը կմարզվեն հյուսիսային Ֆրանսիայում, քանի որ դա ավելի էժան է, քան Անգլիայում մարզումներ անցկացնելը:
Անվտանգությունը միշտ բարդ խնդիր է եղել օլիմպիական խաղերի կազմակերպիչների համար: Հիշեցնենք, որ Լոնդոնում կայանալիք խաղերը կսկսվեն հուլիսի 27-ին և կավարտվեն օգոստոսի 12-ին:
