4000 ԱՄՆ դոլար կաշառք վերցնելու մեջ կասկածվող և փետրվարի 8-ին կալանավորված «Գորիս» ՔԿՀ-ի պետի տեղակալ Նարեկ Հարությունյանի գործի հետ կապված դատապարտյալը` Ա. Հակոբյանը, «Առաջին լրատվական»-ի տեղեկություններով, մեծ քանակությամբ դեղամիջոցներ է խմել:
Օրերս հատուկ ստորաբաժանման աշխատակիցների ուղեկցությամբ նրան պետք է տեղափոխեին մայրաքաղաքի ՔԿ հիմնարկներից մեկը: Հայտնի չէ` ուղեկցողները «Գորիս» ՔԿՀ էին եկել դատապարտյալին պաշտպանելո՞ւ, թե՞ հոգեբանական կամ ֆիզիկական ճնշման և նախաքննության վրա անհրաժեշտ ձևով ի սկզբանե ազդելու նպատակով:
Հիշեցնենք, որ ըստ նախաքննության նախնական տվյալների` Ն. Հարությունյանը կաշառք էր վերցրել դատապարտյալի հարազատից` պարտավորվելով առողջական խնդիրներ ունեցող դատապարտյալին տեղափոխել «Դատապարտյալների հիվանդանոց»:
