Մեծ Բրիտանիայի վարչապետ Դևիդ Քեմերոնն առաջարկել է կոշտ միջոցառումներ ձեռնարկել ալկոհոլի չարաշահման դեմ պայքարում:
Ինչպես հաղորդում է բրիտանական The Guardian թերթը, կառավարության ղեկավարը մասնավորապես առաջարկել է երկրում ստեղծել սթափեցնող կայաններ: Բացի այդ, Քեմերոնն առաջարկում է սահմանել ալկոհոլային խմիչքի գնի ամենացածր սահմանը, որից ավելի էժան վաճառքը կարգելվի:
Փորձագետների գնահատականներով՝ բրիտանական տնտեսությանը հարբեցողությունից հասցված վնասը գնահատվում է տարեկան մոտ 30 մլրդ դոլար: Անգլիայի հյուսիս-արևելքում յուրաքանչյուր 18 ժամը մեկ ալկոհոլային հիվանդություններից մահանում է մեկ մարդ:
Քեմերոնը Բրիտանիայի առաջին վարչապետը չէ, որ պատերազմ է հայտարարում հարբեցողության դեմ: 2007թ. Գորդոն Բրաունն ընդունեց ռազմավարական ծրագիր, որը ոստիկաններին իրավունք էր տալիս քաղաքներում սահմանել «բարձր ալկոհոլային վտանգի գոտի», ընդ որում այդ գոտիներում իրավապահ մարմինների աշխատնքների համար պետք է վճարեին այդ տարածքում գտնվող ակումբներն ու փաբերը:
2009թ. բրիտանացի բժիշկները կոչ արեցնին իշխանություններին կրկնապատկել ամենատարածված խմիչքների՝ գարեջրի և գինու գները:
