Փետրվարի 16-ին Լոնդոնում Sotheby’s աճուրդի տանը հաջողվել է վաճառել գերմանացի նկարիչ Գերհարդ Ռիխտերի (Gerhard Richter) բոլոր վեց` աճուրդի հանված աշխատանքները,- հաղորդում է Reuters-ը:
Ռիխտերի «Աբստրակտ գեղանկարչություն (թիվ 768-4)» (Abstraktes Bild (numbered 768-4)) նկարը վաճառվել է 4.9 մլն ֆունտով (7.6 մլն դոլար)` դառնալով Sotheby- ի ժամանակակից արվեստի աճուրդում վաճառված ամենաթանկ նկարը:
Նախքան աճուրդի մեկնարկը, Ռիխտերի այս`1992 թվականին ստեղծված աշխատանքի համար առաջարկվել էր միայն 3-4 միլիոն ֆունտ:
Նկարչի ևս երկու աշխատանք վաճառվել է բավական բարձր գնով` «Սառույց»-ը վաճառվել է 4.3 միլիոն ֆունտով, իսկ «Աբստրակտ գեղանկար (Կարմիրը)` 4.1 միլիոն ֆունտով:
Ընդհանուր առմամբ, Sotheby-ի ժամանակակից արվեստի աճուրդի շրջանակներում հաջողվել է 50.7 մլն ֆունտի (79.7 մլն ԱՄՆ դոլարի) վաճառք իրականացնել, ինչը գերազանցել է աճուրդի կազմակերպիչների սպասելիքները, ովքեր աճուրդից ընդամենը 49.7 միլիոն ֆունտ էին ակնկալում:
Sotheby’s աճուրդի տան
հիմնական մրցակիցը Christie’s է, որն իր աճուրդը կազմակերպել էր նախորդ օրը: Christie’s-ին հաջողվել է իրականացնել 80.6 մլն ֆունտի (126.8 միլիոն ԱՄՆ դոլար) վաճառք:
