Պակիստանի հետախուզության պաշտոնատար անձինք հայտնում են, որ ամերիկյան անօդաչու ինքնաթիռի արձակած երկու հրթիռների պատճառով Պակիստանի հյուսիսարևմտյան շրջանում այսօր 6 մարդ է մահացել:
The Washington Post-ի փոխանցմամբ ՝ հարձակումը տեղի է ունեցել Սպալգա գյուղում, որը Պակիստանում «Թալիբանի» և «Ալ-Քաիդայի» գրոհայինների հիմնական ապաստարանն է: Այս մասին հայտնել են պաշտոնատար անձինք`չհրապարակելով իրենց անունները: Սպանվածների ինքնությունները դեռևս անհայտ են:
Ըստ հետախուզության պաշտոնատար անձանց՝ Սպալգայում նման հարձակում տեղի է ունեցել նաև մեկ շաբաթ առաջ, որի հետևանքով 9 մարդ էր մահացել: