Ինչպես լրատվամիջոցներին հաղորդել է Շվեյցարիայի արտաքին գործերի նախարարության դաշնային դեպարտամենտի ղեկավար Դիդյե Բուրքհալտերը, այդ երկիրը պատրաստվում է առաջիկա օրերին փակել Դամասկոսում իր դեսպանությունը:
Նրա խոսքերով` պաշտոնական Բերնն արագ ետ է կանչել իր դեսպանին, սակայն դեսպանությունը դեռ կգործի, որպեսզի այնտեղ կարողանան դիմել մոտ 150-180 Շվեյցարիայի քաղաքացիություն ունեցող անձինք: Շվեյցարիայի ղեկավարությունը նաև կոչ է արել իր քաղաքացիներին որքան հնարավոր է` շուտ լքել արաբական այդ երկիրը:
Փետրվարի 15-ին ՄԱԿ-ում Ռուսաստանի պաշտոնական ներկայացուցիչ Վիտալի Չուրկինն ասել է, որ Շվեյցարիայի կողմից այս հայտարարությունը բավականին մտահոգիչ է: Նրա կարծիքով` սա, հնարավոր է, վկայում է հակամարտության ավելի սրման մասին:
Հիշեցնենք նաև, որ Սիրիան արդեն լքել են Պարսից ծոցի մի շարք երկրների դեսպաններ, դրա մասին հայտարարել են նաև Նիդերլանդները, Բելգիան, Իտալիան, Ֆրանսիան և Իսպանիան: