Ըստ երևույթին՝ մեզանից շատերն օգնության կարիք զգալու դեպքում առավել հաճախ դիմում են ընտանիքի անդամներին, քան ընկերներին:
Նոր հետազոտության արդյունքում պարզվել է, որ 20 մարդուց 19-ը պատասխանել է, որ ծանր իրավիճակի դեպքում իրենք իրենց հույսը դնում են ամուսնու կամ զուգընկերոջ վրա:
Daily Mail-ը գրում է, որ հետազոտության արդյունքները կասկած են առաջացնում այն պնդումների վերաբերյալ, որ ընկերները կարող են տալ նույն օգնությունն ու աջակցությունը, ինչ որ՝ զուգընկերը:
Իրականում տղամարդկանց միայն մեկ քառորդն իր խնդիրների մասին կխոսի մեկ այլ տղամարդու հետ: Եվ կանանց միայն կեսն իր զգացմունքների վերաբերյալ կխոսի ընկերուհու հետ, երբ իր կյանքում ծանր իրավիճակ է:
Այսպիսի եզրահանգման եկել են Understanding Society տվյալների բազայի հիման վրա, որը Մեծ Բրիտանիայում հետևում է 40000 ընտանիքների կենսակերպին:
Հետազոտությունը ֆինանսավորվել է կառավարության Տնտեսական և հասարակական հետազոտությունների խորհրդի կողմից:
