Երկու քահանաները, որոնց մեկ տարի առաջ Կոլումբիայի մայրաքաղաք Բոգոտայում սպանված գտան, ըստ հետաքննության նյութերի, հենց իրենք էին վարձել մարդասպաններին:
Քննիչները պնդում են, որ քահանաները պայմանավորվել էին, որ պետք է ինքնասպանություն գործեն: Նման որոշման պատճառն այն էր, որ նրանցից մեկը հիվանդ էր ՁԻԱՀ-ով: Մտահղացումն իրագործելու համար նրանք վարձել էին մարդասպանների, քանի որ անձամբ չէին կարողանում այդ բանն անել:
Սպանվածների հարազատները վստահ են, որ քահանաները մահացել են կողոպուտային հարձակման հետևանքով: Նրանք նաև հերքում են այն լուրերը, թե քահանաները սեքսուալ կապ են ունեցել:
Ենթադրյալ մարդասպաններից երկուսն այժմ հետախուզման մեջ են: Նրանց հաջողվել է գտնել սպանվածների հեռախոսազանգերի միջոցով: Քննիչները պնդում են, որ քահանաները մոտ 8500 դոլար են վճարել այն բանի համար, որ իրենց սպանեն, և դա ներկայացնեն իբրև զինված հարձակում:
Քահանաներ` Ռիչարդ Պիֆանոյի և Ռաֆայել Ռեատիգի դիակները 2011 թ. հունվարին հայտնաբերվել են հրազենային վերքերով` Բոգոտա քաղաքի հարավում, մեքենայի մեջ:
Ինչպես տեղեկացնում է Colombia’s El Tiempo թերթը, քահանաները դեռ ուսանողական տարիներից էին ընկերություն անում: Վերջին եկեղեցական ծիսակատարության ժամանակ հայր Ռեատիգը կոչ է արել մարդկանց աղոթել սուրբ Մարտային, ով համարվում է հուսալքվածների հովանավորը, իսկ հայր Պիֆանոն կոչ է արել աղոթել իր համար, ասվում է թերթում:
Կաթոլիկ եկեղեցին չի ընդունում ինչպես ինքնասպանությունը, այնպես էլ միասեռականությունը:
