Կալիֆոռնիայում «Սիմփսոնները» սերիալի երկրպագուներ Երեմիա Ֆրանկոն և Քարին Շրիվը համաշխարհային ռեկորդ են սահամնել մուլտֆիլմը դիտելու տևականությամբ: Այս մասին հաղորդում է The Wrap կայքը:
Երեմիան և Քարինը սերիալն առանց ընդմիջման դիտել են 86 ժամ 37 րոպե: Նրանց ձեռքբերումը գրանցվել է Գինեսի ռեկորդների գրքում: Բացի այդ, մարաթոնի անդամներից յուրաքանչյուրը 10,500 դոլար դրամական պարգև է ստացել:
Բազմաժամանոց դիտումը նվիրված էր «Սիմփսոնների» 500-րդ մասի եթեր հեռարձակվելուն. այն կցուցադրվի փետրվարի 19-ին և կկոչվի At Long Last Leave: Հարկ է նշել, որ հենց այդ էպիզոդում էլ կերևա Ջուլիան Ասանժը:
Հիշեցնենք, որ 2012 թ. փետրվարի 14-ին «Սիմփսոնների» հեղինակ Մեթ Գրեյնինգն իր աստղը ստացավ Հոլիվուդի փառքի արահետում:
