Բանգլադեշի ոստիկանությունը հայտնել է, որ երեքշաբթի օրը Դաքայում դեռահաս սիրահարների զույգը ցած է նետվել աշտարակից այն բանից հետո, երբ աղջկան ստիպողաբար ամուսնացրել են մեկ այլ տղամարդու հետ:
Ըստ Daily Mail-ի՝ ոստիականության սպա Շարմինն ասել է, որ տղան զանգել է եղբորը և ասել, որ սիրած աղջկա հետ պատրաստվում է մահանալ Սուրբ Վալենտինի օրը, որպեսզի իրենք միշտ միասին լինեն: Մինչ ինքնասպանություն գործելը դեռահասներն իրենց ձեռքերն իրար են կապել վզկապի միջոցով:
Դեպքը տեղի է ունեցել Գոպալգանի քաղաքում: Ընտանիքները հայտնել են, որ աղջկան ամուսնացրել էին երկու ամիս առաջ և ուղարկել ամուսնու տուն, որը գտնվում է երկրի մայրաքաղաք Դաքայում: Հաղորդվում է, որ ամուսինը կրկնակի անգամ մեծ է եղել աղջկանից:
16-ամյա Միթհու Մոլլահը, սակայն, գաղտնի վերադարձել է՝ 17–ամյա Սոուդ Շեյխի հետ հանդիպելու համար: Նրանք սովորելիս են եղել 10-րդ դասարանում: