Իսրայելն ասել է, որ երեքշաբթի օրը Բանգկոկում տեղի ունեցած պայթյունը, որի հետևանքով նռնակներ ունեցող մի իրանցի էր ինքնասպան եղել, Թեհրանի կողմից կազմակերպված ահաբեկչական գործողության փորձ է եղել:
Associated Press-ը գրում է, որ պաշտպանության նախարար Էհուդ Բարաքը հստակ չի նշել, որ այդ մարդը ցանկացել է այդ կերպ վնասել իսրայելցիներին: Բայց պայթյունը տեղի է ունեցել մեկ օր անց այն բանից հետո, երբ Իսրայելը մեղադրել էր Իրանին՝ Հնդկաստանում և Վրաստանում Իսրայելի դիվանագետների վրա հարձակում գործելու համար: Բարաքի մեկնաբանութունները ևս մեկ անգամ ապացուցում են, որ Իսրայելը կարծում է, թե ահաբեկչությունները կապված են և օժանդակություն են ստանում Իրանի կառավարությունից:
Իսրայելի պաշտոնյաները համոզված են, որ այս ամենում մեղավոր են Իրանն ու նրա դաշնակից «Հեզբոլլահ»–ը:
Բարաքն ասել է, որ Բանգկոկում ահաբեկչության փորձերը ևս մեկ անգամ ապացուցում են, որ Իրանը և նրա դաշնակիցները շարունակում են սարսափի մթնոլորտ ստեղծել: «Վերջերս տեղի ուենցած ահաբեկչական հարձակումները դրա ևս մեկ ապացույցն են»: