Այսօր Պեկինում տեղի կունենա Եվրամիության նախագահ Հերման վան Ռոմպեյի և Եվրահանձնաժողովի նախագահ Ժոզե Մանուել Բառոզուի հանդիպումը Չինաստանի վարչապետ Վեն Ցզյաբաոյի հետ:
Բանակցությունների հիմնական թեման կլինի եվրոպական պարտքի ճգնաժամը և այն, թե ինչպես Չինաստանը կարող է օգնել ԵՄ-ին:
Կանդրադառնան նաև Սիրայի իրավիճակին, Իրանի հետ ծագած խնդիրներին և Եվրոպայում հարկերը վճարելուն՝ չինական ավիաընկերությունների մերժմանը:
«Պարտքային խնդիրն իր կրիտիկական կետում է գտնվում»,- երկուշաբթի հայտարարել է Չինաստանի արտգործնախարարության ներկայացուցիչ Լյու Վեմինը:
«Մենք կարծում ենք, որ Չինաստանի պես խոշորագույն առևտրային գործընկերոջ և համաշխարհային տնտեսության համար շատ կարևոր է, որքան հնարավոր է, արագ լուծել խնդիրը»,- ասել էր նա:
Եվրոպան ձգտում է, որ ՉԺՀ-ն ներդրումներ անի եվրոպական երկրներին օգնելու համար ստեղծված պահուստային ֆոնդում:
Չինաստանն ավելի վաղ հասկացրել էր, որ նման հնարավորությունը կարող է քննարկել: