Գրեմմի մրցանակաբաշխության ժամանակ աստղերն իրենց հարգանքի տուրքը կմատուցեն Ուիթնի Հյուսթոնի հիշատակին: Access Hollywood-ի փոխանցմամբ՝ ըստ երևույթին այդ աստղերի թվում առաջինը կլինի Ջենիֆեր Հադսոնը:
Շոուի գործադիր պրոդյուսերն ասել է, որ իրենք չափազանց տխուր են երգչուհու մահվան պատճառով և կանեն հնարավորը նրա հիշատակը շոուի միջոցով հարգելու համար: Պրոդյուսերը, սակայն, հավելել է՝ շոուն չի վերածվի միայն հիշատակի երեկոյի:
Պրոդյուսեր Քեն Էհրլիքը CNN-ին հաղորդել է, որ իրենք հրավիրել են Ջենիֆեր Հադսոնին և այժմ քննարկում են այն, թե նա ինչ պետք է անի: Դա մեծ արարողություն չի լինի, քանի որ պրոդյուսերը կարծում է՝ դեռևս չափազանց շուտ է դրա համար, բայց շոուի կազմակերպիչները կանեն ամեն ինչ Հյուսթոնի նկատմամբ իրենց հարգանքի տուրքը մատուցելու համար: