Երեկ ուշ գիշերից Twitter միկրոբլոգերի կայքում տարածվում էր մի հաղորդագրություն, համաձայն որի՝ Հյուսիսային Կորեայի նորընծա ղեկավար Կիմ Չեն Ինը մահացել է: Կորեայի պետական մարմինները, պետական հեռուստատեսությունն այս տեղեկությունը դեռ չեն մեկնաբանել: Համաձայն տարածվող տեղեկության՝ Կիմ Չեն Ինը սպանվել է Պեկինում Հյուսիսային Կորեայի դեսպանատանը:
Ինչպես հաղորդում է CNN-ը, այդ տեղեկությունն իրականությանը չի համապատասխանում: «Այնպիսի երկրի դեպքում, ինչպիսին Կորեան է, չի կարելի որևէ բանում 100%-ով համոզված լինել: Սակայն ոչ մի ապացույց չկա, որ Կիմ Չեն Ինը մահացել է»,- ասել է հեռուստաընկերության աղբյուրը:
Հիշեցնենք, որ Կիմ Չեն Ինը զբաղեցրել է Հյուսիսային Կորեայի ղեկավարի պաշտոնը հոր մահից հետո՝ 2011թ. դեկտեմբեր ամսին: