Հունգարիայի իշխանությունները Դանուբ գետի վրայով նավարկությունն արգելել են`հաստ սառցե շերտի առաջացման պատճառով: Այս մասին ուրբաթ օրը հայտնել են տեղական իշխանությունները:
«Նավարկությունը դադարեցվել է ուրբաթ գիշերը՝ գետի հունգարական սառած հատվածի պատճառով»,- հայտարարել է գետային փոխադրամիջոցների հարցերով զբաղվող բաժանմունքի ղեկավար Իշտվան Լանգը:
«Բոլոր նավերը պետք է անհապաղ հանգրվանեն մոտակա նավահանգստում»,- հավելել է նա:
Իշխանությունները հույս ունեն, որ շուտով Դանուբի շրջանում ջերմաստճանը կտաքանա: Փորձագետները նշում են, որ դեպքերի նման ընթացքը, երբ ձյունն ու սառույցը սկսվեն հալվել, կարող է ջրհեղեղի պատճառ դառնալ:
Ավելի վաղ Եվրոպայում Խորվաթիայի, Բուլղարիայի, Ռումինիայի, Ավստրիայի և Սերբիայի իշխանությունները ևս անլսելի սառնամանիքների պատճառով արգելել էին նավարկությունը Դանուբ գետի վրայով:
Դանուբ գետը, որի երկարությունն ավելի քան 2.8 հազար կմ է, մեծությամբ երկրորդն է Եվրոպայում և հոսում է 9 երկրների տարածքով:
