Financial Chronicle թերթի փոխանցմամբ՝ Իրանը Հնդկաստանում հաշվեհամար է բացում, որպեսզի Նյու Դելին կարողանա ռուփիով վճարել ներկրվող իրանական նավթի 45 տոկոսի դիմաց: Այդ նպատակով իրանական կողմն ընտրել է UCO Bank-ը:
Թերթի տվյալներով՝ այդ բանկում Իրանի բացած հաշվեհամարը կսկսի գործել երկու ամսվա ընթացքում: Ենթադրվում է, որ այս հաշվեհամարով տարեկան կշրջանառվի 5.4 միլիարդ դոլար, եթե իհարկե Հնդկաստանն Իրանից տարեկան ներկրի 12 միլիարդ դոլարի նավթ:
Նշվում է, որ չնայած Իրանի նկատմամբ ԱՄՆ-ի ու ԵՄ-ի սահմանած պատժամիջոցներին՝ Հնդկաստանը հունվարի 30-ին հրաժարվեց կրճատել Իրանից էներգակիրների ներկրումը: Հնդկաստանի իշխանությունները հայտարարեցին, որ իրենք չեն կարող հրաժարվել իրանական նավթ ներկրելուց, որին բաժին է ընկնում Հնկաստանի էներգետիկ սպառման 12 տոկոսը:
