«Ժողովուրդ»-ի տեղեկությունների համաձայն` նախորդ կիրակի նախագահականում տեղի է ունեցել ուժային կառույցների ղեկավարների հավաք:
«Ըստ մեզ հասած լուրերի՝ այն տևել է մոտ 2,5 ժամ: Սերժ Սարգսյանին են ներկայացվել ուժային կառույցների՝ ներքաղաքական իրավիճակի վերաբերյալ վերլուծություններ: Բացի այդ, իշխանական վերնախավի հանձնարարությամբ շարունակում են փակ հարցումներ անցկացնել՝ պարզելու, թե երկրի ներսում ովքեր ունեն ազդեցություն, որքան, ինչ շրջանակների վրա:
Խոսք Է եղել նաև առաջիկա Աժ ընտրությունների մասին, որ հատկապես մեծամասնականում պետք Է բացառել ՀՀԿ- ԲՀԿ և մյուս թեկնածուների միջև ընդհարումները: Սերժ Սարգսյանն ուժայիններին հրահանգել է համապատասխան մեխանիզմներ մշակել»,- ապա թերթը հավելում է.
«Ի դեպ, «ժողովուրդ»-ը փորձեց այս հանդիպման վերաբերյալ մեկնաբանություններ ստանալ նախագահականի մամուլի ծառայությունից, սակայն մի քանի օր առաջ Ս. Սարգսյանի մամուլի խոսնակ Արմեն Արզումանյանին մեր ուղարկած հարցումն այդպես Էլ մնաց անպատասխան»:
