WikiLeaks ռեսուրսին գաղտնի տեղեկատվություն փոխանցելու մեջ մեղադրվող 24-ամյա զինվոր Բրեդլի Մենինգը, հնարավոր է, Նոբելյան մրցանակ ստանա: Իսլանդիայի խորհրդարանի մի քանի պատգամավորներ նամակով դիմել են Նոբելյան հանձնաժողովին՝ խնդրելով գրացնել Մենինգի թեկնածությունը: Այս մասին հաղորդվում է խորհրդարանի պատգամավոր Բիրգիտա Յոնսդոտիրի բլոգում:
«Փաստաթղթերի արտահոսքը բացահայտել է ԱՄՆ-ի բազմամյա կոռուպցիան և ռազմական հանցագործությունները: Դա հանգեցրել է ամբողջ աշխարհում ժողովրդավարական ապաստամբության, լույս է սփռել ամերիկյան արտաքին քաղաքականության վրա, կորպորատիվ ազդեցության գաղտնիքի վրա և ազդել է Իրաքից զորքերը դուրս բերելու Օբամայի որոշման վրա»,- բացատրում են պատգամավորները նամակում, որը մեջբերում է The Guardian թերթը:
Այս պահին ընթանում է Մենինգի դատավարությունը, նա պահվում է մենախցում: Մամուլը պարբերաբար հայտնում է, որ նա հոգեբանական ճնշման և ստորացումների է ենթարկվում:
Անցյալ տարի ԱՄՆ ավելի քան 250 հայտնի մշակութային և հասարակական գործիչներ նամակ գրեցին՝ հաջակցություն Մենինգի՝ իրենց բողոքը հայտնելով նրա բանտային ծանր պայմանների դեմ:
Հիշեցնենք, որ անցյալ տարի Նոբելյան մրցանակի էր առաջադրվել WikiLeaks կայքի հիմնադրի Ջուլիան Ասանժը: