Պարսից ծոցի իրանական ափին` Բուշեր քաղաքից հարավ-արևելք, տեղի է ունեցել 5.0 մագնիտուդ ուժգնությամբ երկրաշարժ: Այս մասին տեղեկացնում է ԱՄՆ-ի Երկրաբանական ծառայությունը:
Զոհերի և ավերածությունների մասին դեռ տեղեկություններ չկան:
Հիշեցնենք, որ Բուշերում է տեղակայված Իրանի ատոմային էլեկտրակայանը` կառուցված Ռուսաստանի աջակցությամբ:
Իրանը գտնվում է սեյսմիկ բարձր ակտիվության գոտում:
Անցած դարում 20 առավել ուժեղ երկրաշարժերի զոհ է դարձել ավելի քան 170 հազար իրանցի: 2003 թվականի դեկտեմբերին 6,6 մագնիտուդ ուժգնությամբ ստորգետնյա ցնցումների արդյունքում լիովին ավերվել էր հնագույն Բամ քաղաքը, որը գտնվում է Իրանի հարավ-արևելքում: Այդ ժամանակ զոհվել էր ավելի քան 30 հազար մարդ: