Երիտասարդների շրջանում ժամանցի սիրելի վայրերը, ըստ «Առաջին լրատվական»-ի հարցումների, կարաոկեներն ու բար-ակումբներն են: Կարաոկեներ հաճախում են ավելի շատ աղջիկները, քանի որ այնտեղ գները մատչելի են և ավելի քիչ են տհաճ միջադեպերը:
Այցելելով Երևան քաղաքի կարաոկեներից մի քանիսը` պարզ դարձավ, որ կարաոկեների հիմնական հաճախորդները 16-25 տարեկան երիտասարդներն են: Տղաների մուտքն արժե հազար դրամ, առանց զույգի չեն կարող ներս մտնել:
Կարաոկեները հիմնականում աշխատում են երեկոյան ժամը 17-ից մինչև 24-ը, կան նաև շուրջօրյա աշխատողներ: Ի դեպ, շուջօրյա աշխատող կարաոկեներում ժամը 22:00-ից հետո վճարովի է նաև աղջիկների մուտքը (500 դրամ): Պատվիրվող մեկ երգն արժե հինգ հարյուր դրամ:
Բար-ակումբներում ևս երիտասարդները կազմակերպում են իրենց հանգիստը: Երեկոյան ժամերին կազմակերպվում են փակ միջոցառումներ, որոնք շատ տեղերում ուղեկցվում են շոուով: