ՀՀ կուրորտաբանության և ֆիզիկական բժշկության գիտահետազոտական կենտրոնի աշխատակիցներից «Ժողովուրդ»-ին տեղեկացրել են, որ կենտրոնի տնօրեն Բենիկ Հարությունյանը պատրաստվում է տվյալ հաստատությունը սեփականաշնորհել:
«Մինչդեռ Հայաստանի օրենսդրությունն արգելում է գիտահետազոտական ինստիտուտի սեփականաշնորհումը: Նշենք, որ խոսքն այն Բենիկի մասին է, որը «ժողովուրդ»- ի դեմ դատական հայց է ներկայացրել և 2,5 միլիոն դրամ է պահանջում: Հավանաբար մեր հաշվին է ցանկանում գնել ինստիտուտը:
Ինչևէ, պահպանելով լրագրողական էթիկայի կանոնները՝ զանգահարեցինք Հարությունյանին՝ ճշտելու ստացած տեղեկությունը: «Ո՛չ, ո՛չ, դա կեղծիք է, ինչպես շատ կեղծիքներ վերջին էտապում լրագրողներն իմ մասին տպում են, դա կեղծիք է, իմ շրջապատից է, թե Ձեր շրջապատից, ինձ համար մեկ է»,- անմիջապես հերքեց Հարությունյանը»,-ապա թերթը հավելում է, որ երբ հիշել է, որ խոսում է «ժողովուրդ»-ի թղթակցի հետ, «հարձակվել է».
«Եվ Դուք չեք ամաչում, ինձ դիմո՞ւմ եք… Իմ նման հեղինակավոր մարդուն զրպարտելուց ամաչեք, ես դա կապացուցեմ, դուք կտեսնեք, թե դուք որքան ստահոդ, անազնիվ և ձեր մեկնաբանություններով թույն եք թափում»:
