«Եվրամիությունը հաղթահարել է տնտեսկան անկումը, ինչի մասին վկայում է ընթացիկ տարվա 11 ամսում հանրակցությունում արձանագրված տնտեսական աճի դրական դինամիկան»,- հայտարարել է Եվրախորհրդի նախագահ Հերման վան Ռոմպեյը. հայտնում է newsru.com-ը: Նրա խոսքով, եվրագոտում ընդհանուր առմամբ գնաճի ցածր մակարդակ է դիտվում, իսկ վճարային հաշվեկշիռը հավասարակշռված է:
Նա խոստովանել է, որ դժվարությունները մնում են. «Եվրագոտու երկրների միջև դեռևս չափազանց շատ են տարաձայնությունները տնտեսական աճին, բյուջետային վիճակին և վճարային հաշվեկշռին վերաբերող հարցերում և խնդիրն այն է, որ ճգնաժամ է տիրում առանձին երկրներում, որոնք տնտեսման միջոցներ են ձեռնարկել և բարեփոխումներ սկսել,-ասել է Եվրախորհրդի ղեկավարը բելգիական RTBF հեռուստաալիքին տված հարցազրույցում: Վան Ռոմպեյը հավաստիացրել է, որ եվրոյի պաշտպանության համար անհրաժեշտ ամեն ինչ կարվի: Նա հուսադրող է համարել 2011-ի հունվարի 1-ից Էստոնիայի մուտքը եվրոգոտի: «Դա հատկանշական է, չնայած այն բանին, որ ոմանք արդեն չեն հավատում կամ չափազանց քիչ են հավատում եվրոգոտու կայունությանը, և, ես կարծում եմ, դա շատ դրական նշան է»,- ասել է Եվրախորհրդի նախագահը:
