ՀՀ-ում գործող միակ պետական կենդանաբանական այգում 2011 թ. տարեվերջի դրությամբ առկա է եղել 221 տեսակի կենդանի և թռչուն: Ազգային վիճակագրական ծառայության տվյալների համաձայն՝ կենդանիների և թռչունների գլխաքանակը` 2 հազար 200 է:
Կենդանաբանական այգու ընդհանուր մակերեսը 8.5 հեկտար է, կենդանիների համար նախատեսված կառույցների մակերեսը՝ 5.2 հեկտար, աշխատողների թվաքանակը 100 մարդ, այցելուների թվաքանակը 316 հազար 153 մարդ: 2011 թ. ընթացքում կենդանաբանական այգին ձեռք է բերել 8 գիշատիչ գազան, ծնվել է 45 կենդանի, որից 10-ը՝ գիշատիչ, 30-ը՝ սմբակավոր, 5-ը՝ թռչուններ: Նույն ժամանակահատվածում գրանցվել է 26 կենդանիների անկում, որից 7-ը՝ գիշատիչ, 5-ը՝ սմբակավոր,14-ը՝ թռչուններ:
