Թուրքական Haber Türk թերթի փոխանցմամբ՝ Թուրքիայի Բուրսայի նահանգի Ինեգյոլ շրջանում որոշել են փոխել տեղում հրապարակվող İnegöl Aktüel թերթի անունը: Դրա պատճառը թերթի անվան մեջ առկա ֆրանսիական տարրն է: Խոսքը Aktüel (ակտուալ) բառի մասին է:
Թերթի գլխավոր խմբագիր Քերիմ Բայրաքթարը հայտարարել է, որ իրենք որոշել են թերթն անվանակոչել Güncel Haber («Ամենօրյա լուր»): Նա ընդգծել է, որ այս ամենի պատճառը Ֆրանսիայի Սենատի կողմից Հայոց ցեղասպանության հերքումը քրեականացնող օրինագծի ընդունումն է:
