Առատ ձյան տեղումներն այսօր կդադարեն: Այս մասին «Առաջին լրատվական»-ին հայտնեցին «Հայպետհիդրոմետ» ծառայությունից:
«Հանրապետության արևմտյան շրջաններում, մասնավորապես երեկոյան ժամերին՝ ողջ հանրապետությունում կդիտվի առանց տեղումների եղանակ»,- տեղեկացրին` հավելելով, որ
վաղը հանրապետության բոլոր շրջաններում սպասվում է առանց տեղումների եղանակ:
Meteo.tv-ի հաղորդմամբ`օդի ջերմաստիճանը փետրվարի 2-ի կեսօրին կնվազի 3-5 աստիճանով:
Քամու ուժգնությունը լեռներում և լեռնանցքներում կհասնի 18-20 մ/վ, քամու առկայության պարագայում կդիտվի բուք, ավտոճանապարհներին` ցածր տեսանելիություն, մերկասառույց և տեղացող առատ ձյան հետևանքով`դժվարանցանելիություն: Երևանում նույնպես օդի ջերմաստիճանը նվազելու է, ուստի հավանական է մերկասառույցի առաջացումը: Օդի ջերմաստիճանը գիշերը -2-4, ցերեկային ժամերին -2+1, երեկոյան -2-4:
Հիշեցնենք, որ արդեն երկու օր է՝ հանրապետության ողջ տարածքում անդադար ձյուն է տեղում:
