Փորձագետները հայտնում են, որ ծնողները ոչ մի դեպքում չպետք է հարվածեն իրենց երեխաներին: Երեխաների նկատմամբ բռնություն կիրառելը, որպես վատ պահվածքի համար կանխարգելիչ միջոց, չափազանց սխալ է: Նման հայտարարությամբ հանդես են եկել Թագավորական քոլեջի մասնագետները:
Daily Mail-ը գրում է, որ նրանք նման հայտարարությամբ հանդես են եկել, քանի որ Մեծ Բրիտանիայի կրթության նախկին նախարար Դևիդ Լամին ասել էր, որ անցած տարվա անհանգստությունները սկսվել էին այն պատճառով, որ կուսակցությունը արգելել էր հարվածել երեխաներին:
Աշխատանքային կուսակցության պատգամավորներից մեկն ասել էր, որ ծնողները պետք է կարողանան ֆիզիկական միջոցներ կիրառել իրենց երեխաներին դաստիարակելու համար, որպեսզի նրանք հետագայում չմիանան հանցագործ խմբերին:
Բայց պրոֆեսոր Թերենս Սթեֆենսոնն ասել է, որ երեխային հարվածելը չի կարող դաստիարակման լավ միջոց լինել, և անցած տարի ցույցեր սկսած ծնողները պարզապես եղել են այն մարդիկ, ովքեր չեն կարողացել իրենց նվազագույն պարտականությունները կատարել իրենց երեխաների նկատմամբ:
