Հարավային Կորեայի բարձրաստիճան պաշտոնյան այսօր ասել է, որ Հյուսիսային Կորեայի նախկին առաջնորդ Կիմ Չեն Իրի մահը անորոշության պատճառ է դարձել, բայց նաև ինչ-որ փոփոխության հույս ներշնչել:
AFP-ն հաղորդմամբ՝ Միաբանության նախարար Յու Վու-Իկը հայտնել է, որ Հյուսիսային Կորեայում ինչ- որ փոփոխություններ կարելի է ակնկալել, և ինքը կոչ է անում մի կողմ թողնել իր նախկին վերաբերմունքը և բռնել միասնության, փոխանակման և համագործակցության ուղին:
Յուն ասել է, որ Հյուսիսային Կորեայի նախկին գործողությունները նրան մեկուսացրել են ողջ աշխարհից, և երկխոսության կոչ արել:
«Եթե Հյուսիսային Կորեան պատրաստ լինի բարելավել իր բնակչության կենսամակարդակը, Հարավային Կորեան պատրաստ է նրան ձեռք մեկնել»,- ասել է Յուն:
