Ռուսական ВЗГЛЯД թերթի փոխանցմամբ՝ վրացական ընդդիմությունն իր գոհունակությունն է հայտնել ԱՄՆ նախագահ Բարաք Օբամայի հետ հանդիպման ժամանակ Վրաստանի նախագահ Միխեիլ Սաակաշվիլիի արած այն հայտարարության համար, որում նա ընդգծել է, որ 2013 թվականին Վրաստանում լինելու է նոր նախագահ:
«Ազատ դեմոկրատներ» կուսակցության քաղաքական քարտուղար Ալեքսի Պետրիաշվիլին հայտարարել է, որ Սաակաշվիլին գործնականում խոստովանել է, որ ավարտում է իր քաղաքական կարիերան՝ որպես նախագահ:
Պետրիաշվիլին հավելել է, որ Վրաստանում պետք է անցկացվեն ազատ և արդար ընտրություններ, որոնց արդյունքում երկրում իշխանության գլուխ է գալու նոր, այլընտրանքային քաղաքական ուժ՝ Բիձինա Իվանիշվիլիի գլխավորած կոալիցիան:
Հիշեցնենք, որ այս տարի Վրաստանում անցկացվելու են խորհրդարանական, իսկ հաջորդ տարի՝ նախագահական ընտրություններ: