Վրացական «Ալիա» թերթի փոխանցմամբ՝ վրացական իշխանամետ հեռուստաընկերությունները երեկ ողջ գիշեր ուղիղ եթերով մեկնաբանել են Վաշինգտոնում տեղի ունեցած ԱՄՆ-ի և Վրաստանի նախագահներ Բարաք Օբամայի և Միխեիլ Սաակաշվիլիի հանդիպումը:
Սակայն նրանք վրացերեն չեն թարգմանել այդ հանդիպման ժամանակ Օբամայի հնչեցրած արտահայտությունը, որն ամենակարևորն էր վրաց ժողովրդի համար: Մասնավորապես, նրանք չեն թարգմանել Օբամայի խոսքերը, թե ինքը ակնկալում է Վրաստանում արդար ու ժողովրդավարական ընտրություններ, որոնք կապահովեն իշխանության պաշտոնական հանձնումը, ինչն իր հերթին կամրագրի սկսված բարեփոխումները:
Հիշեցնենք, որ այս տարի Վրաստանում կայանալու են խորհրդարանական, իսկ հաջորդ տարի՝ նախագահական ընտրություններ: