Ինչպես արդեն «Ժողովուրդ»-ը գրել է, Շիրակի մարզի 8 համայնքներում փետրվարի 12-ին տեղի են ունենալու համայնքապետի ընտրություններ: Բասեն համայնքում առաջադրվել էին գործող գյուղապետ, հանրապետական Համլետ Պետրոսյանն ու համայնքի ղեկավարի տեղակալ, անկուսակցական Արշակ Խատրյանը:
«Մեզ հայտնի դարձավ, որ վերջինս թիվ 33 ԸԸՀ-ին է ներկայացրել ինքնաբացարկի միջնորդություն և հայտնել, որ չի ցանկանում մասնակցել առաջիկա ընտրություններին»:
Թերթը պարզել է, որ գյուղապետի թեկնածուն բավականին ուշագրավ պատճառ ունի իր թեկնածությունից հրաժարվելու համար:
«Նա որոշել է մեկնել Ռուսաստանի Դաշնություն՝ արտագնա աշխատանքի: Փաստորեն, Խատրյանը «խոպանչու» գործը գերադասում է համայնքի ղեկավարի պաշտոնից»,- հավելում է թերթը:
