«Ժողովուրդ»-ի լավատեղյակ աղբյուրների փոխանցմամբ` Արագածոտնի մարզի Թալինի քաղաքապետ Մնացական Մնացականյանը վերջերս ԲՀԿ-ի հետ գաղտնի բանակցություններ է վարում, որպեսզի առաջիկա խորհրդարանական ընտրություններում իր թեկնածությունն առաջադրելու դեպքում ԲՀԿ-ն սատարի իրեն:
«Նա ցանկանում է իր թեկնածությունն առաջադրել թիվ 15 ընտրատարածքում՝ Աժ պատգամավոր ՀՀԿ-ական Խաչիկ Մանուկյանի հետ, ինչի համար ամուր «թիկունք» է փնտրում: Փորձեցինք լուրը ճշտել քաղաքապետից: Վերջինս «մուննաթ» գալով ասաց.
«Դրանք հիմարություններ են, ո՞վ ա հնարե էդ: Ես եթե Հանրապետական կուսակցության անդամ եմ, ո՞նց կարամ ԲՀԿ-ի հետ ինչ-որ բանակցեմ կամ Զեր հետ»: «Ես էս պահին խոսելու ցանկություն չունեմ, որ ես խոսեմ, դու էլ գրես, հենց ըտենց»,-ահա այսպես արտահայտվեց Թալինի Մնացը՝ անջատելով հեռախոսը»,- գրում է թերթը և հավելում.
«Իհարկե, մենք էլ առանձնապես հաճույքով չենք խոսում մտքերը փողոցային բառապաշարով արտահայտող պաշտոնյայի հետ, բայց լրագրողական էթիկայի նորմերը պահպանելու համար ստիպված ենք զանգահարել»:
