ԱՄՆ բարձրաստիճան պաշտոնյան երկուշաբթի օրն ասել էր, որ ԱՄՆ-ն փորձում է մեղմել Ռուսաստանի մտահոգությունները՝ կապված Սիրիայի նախագահ Բաշար Ալ-Ասադի դեմ ուղղված ՄԱԿ-ի նոր բանաձևի հետ: Հիշեցնենք, Ռուսաստանը զգուշացնում է, որ նման բանաձևը կարող է ստեղծել այնպիսի իրավիճակ, որն առկա է Լիբիայում:
Ինչպես հաղորդում է Reuters-ը, Վաշինգտոնը հույս ունի Ռուսաստանին համոզել չկանգնել Արաբական լիգայի նախաձեռնության ճանապարհին, որը ՄԱԿ-ի Անվտանգության խորհրդին կներկայացվի այսօր`երեքշաբթի օրը, Նյու Յորքում: Նախաձեռնության նպատակն է պահանջել, որ Ասադը հեռանա իշխանությունից` այդ կերպ դադարեցնելով արդեն 10 ամիս տևող արյունահեղությունը:
Դեռևս պարզ չէ՝ Ռուսաստանը դե՞մ կքվեարկի արդյոք ՄԱԿ-ի ներկայացրած բանաձևին,, թե՞ կմնա ձեռնպահ:
