Նոր հետազոտության նպատակն է եղել պարզել, թե ինչ ազդեցություն է ունենում բժշկի մարմնի քաշը հիվանդի վրա: Պարզվել է, որ գեր բժիշկներն առավել անհավանական է, որ իրենց գեր հիվանդներին օգնեն նվազեցնել քաշը: Ուսումնասիրությունը հրապարակվել է Obesity օնլայն ամսագրում:
Հետազոտության նպատակով Johns Hopkins համալսարանի հետազոտողները հարցումներ են անցկացրել 500 բժիշկների շրջանում: Գիտնականները փորձել են ուսումնասիրել, թե որքան ինքնավստահ է եղել բժիշկը հիվանդի գիրությունը բուժելու հարցում: Հետազոտողները փորձել են տեսնել, թե որքան ինքնավստահ է բժիշկը գիրությունը պակասեցնելու խորհուրդներ տալիս, և արդյոք որքան է գնահատում հենց հիվանդի վստահությունն իր նկատմամբ:
Ինչպես գրում է CBSNews-ը, հետազոտության ընթացքում պարզվել է, որ գիրության հարցերով զբաղվող ոչ գեր բժիշկներն առավել շատ են խոսել իրենց հիվանդի հետ գիրությունը նվազեցնելու մասին և առավել վստահ են եղել, որ հիվանդը հավատում է իրենց: Նրանք 80 տոկոսով համոզված են եղել, որ իրենց հիվանդները վստահում են իրենց, մինչդեռ գեր բժիշկները վստահ են եղել միայն 69 տոկոսով: Ոչ գեր բժիշկների 53 տոկոսը կարողացել է հեշտությամբ իր հիվանդին սննդակարգ առաջարկել, մինչդեռ գեր բժիշկների միայն 37 տոկոսն է կարողացել դա անել:
