ABC հեռուստաալիքի հաղորդմամբ, Ուգո Չավեսը պատրաստվում է արգելել ԱՄՆ նոր դեսպանի մուտքն իր երկիր: Նա ասել է, որ եթե նույնիսկ ԱՄՆ-ը խզի իր հարաբերությունները պաշտոնական Կարակասի հետ, ինքը, միևնույն է, թույլ չի տա նորանշանակ դեսպան Լարի Պալմերի մուտքն իր երկիր:
Պատճառներից մեկը Վենեսուելայի և ԱՄՆ-ի միջև բարդ հարաբերություններն են, ինչպես նաև Պալմերի այն հայտարարությունը, թե վենեսուելական բանակում բարոյահոգեբանական վիճակը վատն է, իսկ երկրում աճում է Կուբայի ազդեցությունը:
ԱՄՆ պետքարտուղարությունն արդեն հայտարարել է, որ չի պատրաստվում փոխել Պալմերին և որ նրա թեկնածությունն արդեն հաստատված է:
«Եթե ԱՄՆ կառավարությունը ցանկանում է քշել մեր դեսպանին, ապա թող անի դա: Եթե ցանկանում են խզել դիվանագիտական հարաբերությունները, թող անեն դա»,- հավելել է Չավեսը:
