Երեկ մի շարք բնապահպանական կազմակերպություններ և անհատներ հայտարարություններ են տարածել սոցիալական կայքերում` հայտնելով, որ Տավուշի մարզում՝Դիլիջանի մերձակա անտառներում բռնկվել են անտառային հրդեհներ, որոնք կարող են տարածվել նաև ազգային պարկում: Նրանք ասում են, որ խոտն այրվելով հասել է անտառին, և վտանգ կա, որ հրդեհը կհասնի սոճու անտառներին:
Մեզ հաջողվեց պարզել, որ հրշեջները գիշերվա ընթացքում աշխատել են հրդեհի բռնկման վայրում, հաջողվել է տեղայնացնել հրդեհը վտանգավոր վայրերում, սակայն ամբողջությամբ հնարավոր չի եղել մարել: Այս պահին հրդեհաշիջման աշխատանքները շարունակվում են:
Տեղի բնակչության շրջանում տարածվել են խոսակցություններ, որ Երևանի փողոցներում ամանորյա տոնածառերը բերվել են նաև այդ անտառներից, իսկ հետքերը մաքրելու համար հանցագործներն այրել են անտառը:
Այս տեղեկությունը մենք այս պահին փորձում ենք ճշտել: