Հետազոտության արդյունքում պարզվել է, որ կոֆեինը կարող է փոխել կանանց մոտ էստրոգենի մակարդակը: Այն տարբեր ազդեցություն է ունենում ասիացի և սպիտակամորթ կանանց մոտ:
USA Today-ը հայտնում է, որ 2005-ից 2007 թվականների հետազոտությանը մասնակցել է 18-ից 44 տարեկան 250 կին: Նրանք օրական միջինը 90 միլիգրամ կոֆեին էին ընդունել:
Էստրոգենը վերարտադրողական հորմոն է, որն արտադրվում է ձվարանների կողմից: Ասիացի կանանց մոտ, ովքեր օրական օգտագործել էին միջինը 200 միլիգրամ կամ ավելի կոֆեին, փոխվել էր էստրոգենի մակարդակը` ի տարբերություն այն կանանց, ովքեր ավելի քիչ կոֆեին էին օգտագործել: Բայց նույն չափ կոֆեին օգտագործած սպիտակամորթ կանայք ունեին էստրոգենի ավելի ցածր մակարդակ:
Սևամորթ կանանց մոտ, ովքեր օգտագործել էին ավելի քան 200 միլիգարմ կոֆեին, նույնպես էստրոգենի մակարդակի տարբերություն էր գրանցվել, բայց, ըստ ԱՄՆ Ազգային առողջապահության ինստիտուտի հետազոտողների և նրանց գործընկերների, այս տարբերությունը այնքան էլ հատկանշական չի եղել: Հետազոտության մեջ օգտագործված կոֆեինը եղել է սուրճի, կանաչ թեյի, սև թեյի տեսքով:
Ընդհանուր առմամբ հետազոտության արդյունքները ցույց են տվել, որ ավելի քան 200 միլիգրամ կամ ավելի քան մեկ բաժակ կոֆեինի օգտագործումը դառնում է էստրոգենի ավելի բարձր մակարդակի պատճառ: Հետազոտությունը հրապարակվել է American Journal of Clinical Nutrition ամսագրում: