ԱՄՆ դպրոցներից մեկում աշակերտներին արգելել են դպրոց գնալ երկարաճիտ կոշիկներով, որոնց վերին մասը պատված է մորթիով: Նման որոշման պատճառն այն է, որ աշակերտները երկարաճիտ կոշիկների մեջ թաքցնում են բջջային հեռախոսներ:
Ինչպես հաղորդում է TheDaily Mail-ը, այս տարօրինակ արգելքը ծագել է Փենսիլբանիա նահանգի Pottsdam Middle School-ի ղեկավարության մոտ:
Դպրոցում արգելված է դասընթացների ժամանակ օգտագործել բջջային հեռախոս: Բայց աշակերտների մեծ մասը օգտվում էր հեռախոսներից` թաքցնելով դրանք կոշիկների մեջ:
Ուսանողները և ծնողները դժգոհ են այս նոր օրենքից և իրենց բողոքն արտահայտում են նաև համացանցում:
«Ես կարծում եմ, որ սա ուղղակի անհեթեթություն է»,- ասել է ծնողներից մեկը:
