Ինչպես հաղորդում է Итар-Тасс-ը, ԱԵԼ–ը բանակցություններ է վարում Ռուսաստանի հետ՝ Սիրիայում տիրող իրավիճակի շուրջ: Այս մասին այսօր հայտարարել է ԱԵԼ քարտուղարի տեղակալ Ահմեդ Բեն Հելին:
«Նախօրեին ՌԴ ԱԳ նախարար Սերգեյ Լավրովը և ԱԵԼ քարտուղար Նաբիլ Ալ-Արաբին քննարկել են Սիրիայում տիրող իրավիճակը»,- ասել է Հելին՝ հավելելով, որ Ռուսաստանի և Լիգայի միջև սիրիական հարցի շուրջ բանակցություններ են տեղի ունենում»:
Այսօր՝ ավելի վաղ ՄԱԿ-ում ՌԴ ներկայացուցիչ Վիտալի Չուրկինը հայտարարել էր, որ Սիրիայի վերաբերյալ Մարոկկոյի կողմից մշակված բանաձևը ոչ միայն անտեսում է Ռուսաստանի առարկությունները, այլ նաև պարունակում է տարրեր, որոնք կիրառելի չեն կարող լինել սիրիական հարցում: Նրա խոսքերով՝ այսպիսի բանաձևի ընդունումը «կործանարար կլինի Սիրիայի համար»:
Դիվանագետի խոսքերով՝ Ռուսաստանը պատրաստ է բանակցել ՄԱԿ-ի Անվտանգության խորհրդի հետ` սիրիական հարցին լուծում տալու համար:
