Twitter միկրոբլոգում Վենեսուելայի նախագահ Ուգո Չավեսի հաշիվը հավաքել է ավելի քան 2.5 մլն հետևորդ: Այս մասին հաղորդում է РИА Новости-ն՝ վկայակոչելով վենեսուելական մամուլը: Այսպիսով, Չավեսի էջը դարձել է Լատինական Ամերիկայի ամենահայտնի նախագահական էջը:
Չնայած դրան, էջը Չավեսը հաճախակի չի օգտագործում. վերջին գրառումը կատարվել է հունվարի 5-ին: Դա, սակայն, ամենևին չի խանգարում, որ նրա հետևորդների թիվն օրական 1000-ով ավելանա: Իր կարճ հաղորդագրություններում Չավեսը խոսում է երկրում և աշխարհում տեղի ունեցած նշանակալի իրադարձությունների մասին:
Չավեսի հաշիվը միկրոբլոգում բացվել է 2010 թ. ապրիլի 27-ին: